Transcription
1
Reçue à Valence, le 24 juin 1573. Répondue le 27 juin 1573.
2
Monsieur de Gordes, je vous faictz ce mot de lettre pour vous dire que dimanche dernier,
3
comme mon frère le roy de Polloigne alloit recongnoistre louvraige dune sappe
4
quil faisoit faire à un endroit de muraille et tours de La Rochelle, il luy fut
5
tiré deux coups dharquebuzades dun flanc qui ne sestoit encores descouvert,
6
dont lun lataignit au col, et lautre à la main. Mais la, grace à Dieu, il nest
7
demeuré offencé de lun ny de lautre, en sorte du monde ayant seullement la peau
8
ung peu froissée, dont jay grande occasion de louer Dieu de lavoir ainsi
9
miraculeusement preservé et quil soit aujourdhuy en la mesme bonne santé que
10
si la chose nestoit point advenue. De quoy jay estimé bien requis de vous advertir
11
de peur que si lon faisoit courir quelque bruit de mondit frère autrement que ce
12
qui est contenu cy dessus qui est la pure verité, vous ne le croyez, mais la
13
faictes entendre à ung chacun en ceste sorte ; qui est tout ce que jay à vous
14
dire par ce mot que je finiray en priant Dieu, monsieur de Gordes, quil vous ayt
15
en sa garde. Escript à Lesigny, le XVIIIe jour de juing 1573
16
Charles
17
Brulart